انتي فايرس كاسبرسكاي

اول شي قواكم الله يااعضاء قطر فوتبول من شباب وبنات ....طبعاً الي ابي اتكلم عنه هو عن برنامج الكاسبر احد افضل البرامج المتخصصه لمكافحة الفايروسات وحماية الجهاز من المخترقين الهاكرز ..انا سمعت شي وصدمني وهو انه الكاسبر الي تقريباً الكل مستعمله هو مب اصلي رغم انه تم وضع مفتاح تسجيل لفتره معينه قد تكون سنه او عدة شهور ....طبعاً احد زملاء الدراسه ...هو موظف بمحل فاميلي لان ...الي اغلبكم يعرفه ...لاني كلمته عن انه حاطين اعلان قبل فتره انه فيه برنامج قوي مكافح للفايروسات فااستفسرت منه عن البرنامج ..فتردد انه يقول لي عن البرنامج ...وبعد ماحاولت معاه يمين يسار ...قالي انه الكاسبر ..فقلت له اني منزل الكاسبر ومعاه مفتاح تسجيل الين 2009..فقالي حتى لو ...لو بغيت الكاسبر الاصلي مالك الا انك تنزله من موقعه الاصلي مع المفتاح ...وغير كذا برنامجك ماراح يكون له الفعاليه الكامله ...حتى بالنسبه للتصفح ...طبعاً الي منزل الكاسبر يلاحظ انه التصفح على النت صار بطيء فالكثير منا حتى يسترد سرعة التصفح بااغلاق البرنامج ...والاكتفاء بعمل بحث يومي عن الفايروسات بجهاز الكمبيوتر "اللاب توب " ..فقالي والله اعلم ان كان صادق او لا ...باني لو نزلت الكاسبر الاصلي راح يكون التصفح سريع وماشي بشكل طبيعي جداً..عموماً هو قالي حياك بالمحل وابشر بعزك ...وانا للحين مارحت له ولاافكر اني اروح له الا يوم اشتري لي لاب توب جديد "الديل " بوسبع الوان وافتك من السيمينز الي عندي الي لوع جبدي بوساليرون ....واخليه يظبطه لي ويغير الفيستا الي فيه ويحط لي الاكس بي ويحط لي الكاسبر الاصلي على قولته ...السؤال لااهل الخبره اكرر الخبره ...هل فعلاً انه الكاسبر الي انا قاعد استعمله وغيري يستعمله ..مايدق سلف ...؟!! خرطي بمعنى اصح ....؟...باانتظار تفاعلكم الطيب ...اخوكم الصغير والكبيرمحمد..

سبورت Q6R كتب:: اول شي قواكم الله يااعضاء قطر فوتبول ..

قصدك اعضاء سبورت قطر

تسلم ولا هنت